ಪನೀರ್ ಮಾಡುವ ವಿಧಾನ

1. ಎರಡು ಲೀಟರ್ ಹಾಲಿಗೆ 2 ಲೀಟರ್ ಶುದ್ಧ ನೀರು ಸೇರಿಸಿ ಕುದಿಸಿ. ಹದಿ ಗಟ್ಟಲು ಬಿಡಬಾರದು.
2. ಕುದಿಯುತ್ತಿರುವಾಗ ಅದಕ್ಕೆ ಮೂರು ನಿಂಬೆಹಣ್ಣಿನ ರಸ ಸೇರಿಸಿ ಕದಡಿರಿ. ನಿಂಬೆರಸದ ಬದಲಿಗೆ ವಿನೆಗರ್ ಕೂಡ ಆಗುತ್ತದೆ. ಇವ್ಯಾವುವೂ ಇಲ್ಲದಿದ್ದರೂ ಸ್ವಲ್ಪ ಮಜ್ಜಿಗೆಯನ್ನು ಹಾಕಬಹುದು. ಹಾಲು ಒಡೆದು ನೀರು ಬೇರೆಯಾಗುತ್ತದೆ.
3. ಬಿಸಿ ಆರುತ್ತಿರುವಂತೆಯೇ ಅದನ್ನು ಒಂದು ಹತ್ತಿಯ ನೂಲಿನ ವೇಶ್ಟಿಯ ಮೇಲೆ ಸುರಿದು ಆದರ ಹನಿ ನೀರನ್ನು ಸೋಸಿ ತೆಗೆಯಿರಿ. ನೀರನ್ನು ಸಂಪೂರ್ಣ ಹಿಂಡಿ ತೆಗೆಯಬೇಕು. ಎತ್ತರಕ್ಕೆ ಕಟ್ಟುವುದರಿಂದ ಕೊನೆಯ ಹನಿ ಕೂಡ ಹರಿದುಹೋಗುವುದು.
4. ತಣ್ಣಗಾದ ಈ ಪನೀರನ್ನು ಶುದ್ಧ ನೀರಿನಿಂದ ತೊಳೆಯಬೇಕು. ನಂತರ ನೀರು ಸೋಸಿ ತೆಗೆದು ಚೆನ್ನಾಗಿ ಹಿಂಡಿ ಸೆಟ್ ಮಾಡಬೇಕು. ಇದಕ್ಕಾಗಿ ಚೆನ್ನಾಗಿ ಹಿಂಡಿದ ಹಿಟ್ಟನ್ನು ಎರಡು ಮಣೆಗಳ ಮಧ್ಯೆ ಇಟ್ಟು ಒತ್ತಬಹುದು ಅಥವಾ ಒಂದು ಚಿಕ್ಕ ತಪಲೆಯ ಬೆನ್ನು ಮೇಲೆ ಪನೀರನ್ನು ಇಟ್ಟು ಅದಕ್ಕೆ ದೊಡ್ಡ ತಪಲೆ ಕಿವುಚಿ ಹಾಕಿ ಒತ್ತಬಹುದು. ಯಾವುದಾದರೂ ವಿಧಾನವನ್ನು ಅನುಕೂಲಕ್ಕೆ ತಕ್ಕಂತೆ ಅನುಸರಿಸಿ ಅದರಿಂದ ಸಂಪೂರ್ಣವಾಗಿ ಘನ ಪನೀರ್ ಮಾಡಬಹುದು.
5. ಅರ್ಧಗಂಟೆಯ ನಂತರ ಅದನ್ನು ಬಟ್ಟೆಯಿಂದ ಹೊರತೆಗೆದು ಬೇಕಾದ ಆಕಾರದಲ್ಲಿ ಕತ್ತರಿಸಿ ಫ್ರಿಜ್ ನಲ್ಲಿ ಇರಿಸಬಹುದು.

ಪನೀರ್ ಪ್ರೋಟೀನ್ ಯುಕ್ತ ಆಹಾರ. 100 ಗ್ರಾಂ ಪನೀರ್ ನಲ್ಲಿ ಸುಮಾರು 18 ಗ್ರಾಂ ಪ್ರೋಟೀನ್, 15 ಗ್ರಾಂ ಕೊಬ್ಬು, ಸಾಮಾನ್ಯ ಅಷ್ಟೇ ಪಿಷ್ಟ, ಸುಮಾರು 500 ಮಿಲಿಗ್ರಾಂ ಕ್ಯಾಲ್ಸಿಯಂ ಇರುತ್ತದೆ. ಆದುದರಿಂದ ಇದೊಂದು ಪೋಷಕ ಆಹಾರ.

ಈ ರೀತಿ ಪನೀರ್ ಮಾಡಿಕೊಳ್ಳುವುದರಿಂದ ಹಾಳಾಗುವ ಹಾಲನ್ನು ಸುಲಭವಾಗಿ ಶೇಖರಿಸಬಹುದು. ಒಂದು ಲೀಟರ್ ನಿಂದ ಸುಮಾರು 200 ಗ್ರಾಂ ಪನೀರ್ ಸಿಗುತ್ತದೆ. ಆದ್ದರಿಂದ ಇದನ್ನು ಶೇಖರಿಸಲು ಕಡಿಮೆ ಜಾಗ ಸಾಕು.